عالم محب| ► | مارس 2009 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | |||
الحلم تاه
كلمات : أسامة علي
آهين يا دنيا وألف آه
على حلم تاه
في سكتو
وف دنيتو
ولا لوش مكان وسط الحياه
ماشي وحيد
شاف الأمل جي من بعيد
وبيبتسم
الفرحه على حلمي لقيتها بتترسم
وحضنت إيدو وخدتها
ومشيت معاه
الحلم فارد خطوتو
م أقدرش أخالف كلمتو
ويجُرِّنِي ويقول خلاص
هصبح ياناس
أنا والأمل
هنعيش سوى
ساعات وتكمل فرحتي
وأخلص معاه من وحدتي
كان الأمل بدر ف سماه
فجأة أختفا
الوطن مش ارض بس بتتسكن
كلمات: اسامه علي
لما كنت زمان صغير
لسه طفل بقلب أخضر
قبل شعري يشيب وأكبر
لسه كان إحساس وليد
وإحنا في فصول الدراسه
كنت أحس بالوطن
بس ف نشيد
كان مدرس الرياضه
كل يوم الصبح عاده
كلنا ف نَفَسْ شديد
نقول تحية العلم
لمصرنا أم الأمم
وكْبِرتْ والأحساس كِبِرْ
وأتغيرت كل المعاني
والوطن مبقاش نشيد
حُبِي ليه بقا شكل تاني
كل يوم عن يوم يزيد
بقا حته مني وف كياني
الوطن
مش أرض بس بتتسكن
الوطن د كتاب حياتي
عمري كلو وذكرياتي
ذكريات أيام طفوله
ذكرى حلوة
وذكرى مره
من طفولتي للكهوله
الوطن
مش أرض بس بتتسكن
ناس تخاف على بعضها
لحظة ألم بتلمها
الوطن عم ابراهيم
والأسطي سيد
والمعلم عب رحيم
وجارنا بطرس
والشيخ سليم
على أحلا أرض شوفتها
الوطن خالتي أم سيد
اللي بتبيع الخضار
اللي شقيانه تمللي ليل نهار
لجل متربي ولادها ف حضنها
الوطن هما الغلابه الشقيانين
مقطف وفاس وشرشره متسلحين
اللي عرقهم طول نهارهم ع الجبين
هم دول الفلاحين
في كل شبر بيزرعوا ومخضرين
أرضك جناين
في الغيطان طول الليالي سهرانين
تبص ف وشوشهم تشوف
سمار بلادي
والخشونه والرجوله في الأيادي
ضهرو محني ليك با بلدي
يزرع الحبه في أرضك
كلمات : أسامة علي
زيك ما فيش
ملفوف تمام
زي الغزال
و العاشقين
خايف عليك م المغرمين
لو شافوا حسنك يعشقوك
ويدوبوا فيك
أداريكي فين
في القلب أشيلك أو في عين
لأ جُوَّه عين
قلبي خلاص مني إتسرق
قومي إسكنيني
جُوَّه عيني
يا حمامه عيني بِنِّي
شوفي نِنِّي
طُلِّلي مِنُّو جُوَّه مِنِّي
الدنيا بيكي منوره
ومعاكي عمري اليوم بدأ
شداني ليك
